今日（2日）馬季開鑼田草賽事，一如以往用B跑道，連日有黃色暴雨，度地儀指數2.72，場地掛牌為好地至黏地。如天氣情況許可下，將按計劃在第5場後進行壓地。

睇番上季開鑼田草B欄賽事，後追馬絕對唔蝕底，尤其是1400米或以上賽事之頭馬「智有心得」、「好友益」、「蒙古王」及「大籐王」，均在早段留守中後位置，入直路從後反先對手勝出。

今日第十場「大籐王」兩次角逐田草B欄賽事非冠即亞，包括上季在開鑼日尾場贏馬，再吼同日賽事上陣有力替幕後重溫好夢。

另外，第五場「快利」最近贏馬正是跑田草B欄所得，亦是全場唯一贏過此移欄之參戰馬，憑較佳場地性能有力建功。