關楚耀與王灝兒（JW）今日到油塘出席聖誕活動，關楚耀表示晚上會與家人及女友慶祝：「兩個人sweet嘅，但係（食嘢）就少啲選擇，成班人開party開心啲。我哋會每人煮啲嘢食，我又鍾意下廚，整下意粉、焗豬扒飯。」JW笑言平日經常與男友二人世界，因此喜歡聖誕與家人和朋友開party慶祝。

問他們會否與朋友交換聖誕禮物？關楚耀笑指最搞笑是收到生抽、豉油：「因為我會煮嘢食，所以其實我OK嘅，不過我啲朋友就會起哄囉，就算收到廁紙我都OK，你知啦，搵食艱難呀，收到兩條廁紙都用到個幾月。」

JW分享昨晚男友準備的交換禮物，由掃把、垃圾剷及筲箕組成的禮物：「我幫佢包到成個風扇咁，佢每年都好多心思去設計呢啲，不過佢唔會送呢啲畀我嘅。」

關楚耀透露最近工作減少，自嘲休息了很久：「冇乜嘢搞呀，今日先見到大家，之後一月頭先再有活動啦。」JW表示新年倒數會與陳奐仁到澳門演出。

採訪、攝影：盧妹

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此