隔牆有耳：
叫電話騙徒懸崖勒馬
中聯辦：出嚟行，終要還 - 李八方
蘋果日報 2015/11/21 00:00
回歸前，中共公安部前部長陶駟駒一句豪言：「黑社會都有愛國的」，點醒四海兄弟，精忠報黨，去年雨傘運動果然不負黨望，橫行佔領區。但豪言總有過氣時，黑社會都有用完被棄嘅一日，回歸17年，中聯辦警務聯絡部副處長吳國鎮噚日就奉勸一句：「出嚟行，始終要還。」口氣似足社團揸fit人，八方聽見仲以為倪永孝翻生。
吳國鎮咁霸氣，八方相信佢好可能係港產黑幫片粉絲。呢句近似黑社會嘅用語，坊間流傳已久，2003年上映嘅港產片《無間道2》，就將呢句用語搬上大銀幕。吳鎮宇飾演社團揸fit人倪永孝，喺戲入面成日提起老竇教落，「出嚟行，預咗要還」，重複N次咁多，直至臨死都要掛喺口邊。
吳國鎮咁霸氣，八方相信佢好可能係港產黑幫片粉絲。呢句近似黑社會嘅用語，坊間流傳已久，2003年上映嘅港產片《無間道2》，就將呢句用語搬上大銀幕。吳鎮宇飾演社團揸fit人倪永孝，喺戲入面成日提起老竇教落，「出嚟行，預咗要還」，重複N次咁多，直至臨死都要掛喺口邊。
苦主冇乜可能攞番錢
事隔10幾年，呢句對白都已經out out哋，忽然重提，事緣吳國鎮噚日出席電台節目後，用廣東話呼籲喺內地從事電話騙案嘅人要懸崖勒馬，唔好再鋌而走險，佢咁講：「正所謂若要人不知，除非己莫為，出嚟行，始終要還，所以都係快啲回頭是岸。」呢段說話，雖不及陶駟駒重新定義「愛國」，但當中字字珠璣，真係發人深省，唔單止騙徒，對中共、特首、中聯辦定四海兄弟，八方肯肯定一律適用。
講番電話騙案，吳國鎮指行騙電話多數從菲律賓打出，上月公安部喺印尼同柬埔寨拘捕多名疑犯，當中有8宗與香港有關，涉及929萬人民幣及1,486萬港元；另外喺珠海拘捕23名由菲律賓回國嘅疑犯，但主腦仍然在逃，又話由於騙徒唔知呃咗乜人，苦主唔知被乜人呃，所以苦主唔好期望攞得番筆錢。
講番電話騙案，吳國鎮指行騙電話多數從菲律賓打出，上月公安部喺印尼同柬埔寨拘捕多名疑犯，當中有8宗與香港有關，涉及929萬人民幣及1,486萬港元；另外喺珠海拘捕23名由菲律賓回國嘅疑犯，但主腦仍然在逃，又話由於騙徒唔知呃咗乜人，苦主唔知被乜人呃，所以苦主唔好期望攞得番筆錢。
中聯辦吳國鎮噚日喺電台節目，講吓公安點破電話騙案。朱永倫攝