豐澤電器公司工人，為顧客安裝窗口式冷氣機，竟遺留兩塊發泡膠在冷氣機內，且已燒焦。專家指出，發泡膠放在冷氣機內，遇熱可能會着火，引致冷氣機雪種爆炸。

「因為部冷氣機嘈，我搵過豐澤幾次檢查部機，但安裝師傅乜都查唔到，轉頭搵代理，先知原來安裝嗰日，工人留低咗啲發泡膠喺部機裏面，真係嚇死人！」
《蘋果》讀者古小姐，憶述當日追查冷氣機有不尋常聲響經過，仍然十分憤怒。她稱，上月22日在九龍灣德福廣場豐澤電器店，購買一部開利牌一匹窗口式冷氣機，並安排於同月27日，由豐澤電器安裝工人上門安裝。

發出噪音難接受
她說，安裝完成後，她每次啟動冷氣機時，均會發出擾人噪音。「啲聲係嘈到好唔尋常，好難接受！」
她稱，她為此致電豐澤投訴，豐澤雖兩次派員上門重新安裝，但未能找出發出噪音原因，安裝工人並對她說，「呢啲係部冷氣機嘅問題，我哋只係負責安裝」，她惟有轉向開利求助。

發泡膠遇熱燒焦
上月29日，開利冷氣公司派員上門檢查冷氣機，赫然發現當日負責安裝師傅，竟遺留兩塊包裝冷氣機發泡膠在冷氣機內，且已燒焦。
「開利個師傅話，好彩發現得早，因為塊發泡膠已燶咗，重話長期落去可能會火燭或者爆炸！」