當年今日
關於我們

利記前鋒好搶手 五隊吼到實

蘋果日報 2017/12/29 12:10

韋斯咸紐卡素史杜列治修咸頓轉會西布朗利物浦英超史篤城丹尼艾格斯英國足球

利物浦鍾意喺修咸頓買球員已經係一個事實,但原來「聖人」一樣對利記嘅球員有興趣。講緊嘅係紅軍前鋒史杜列治,據報修咸頓打算喺冬季轉會窗期間,借用呢位英格蘭射手半季。
英國《電訊報》報道,修咸頓將後衛華基爾雲迪積克以7,500萬鎊(約7.85億港元)賣畀利記後,打算即刻用呢筆錢投資,希望加強球隊攻力,同埋喺中堅位置引入新兵。其中一個前線目標,就係利物浦嘅史杜列治。呢位英格蘭前鋒因為傷患纏身比較少上陣,加上球隊四位攻擊主力羅拔圖法明奴、穆罕默德沙拿、菲臘比古天奴同沙迪奧文尼今季弗到爆,令史杜列治嘅上陣機會買少見少。
除咗史杜列治之外,丹尼艾格斯亦都有唔少球隊吼住,其中一隊就係史篤城。不過,一旦曉士真係出手嘅話,紐卡素、韋斯咸同西布朗相信都會加入戰團。丹尼艾格斯今個月曾經喺對愛華頓同般尼茅夫嘅聯賽後備上陣,佢因為兩次嚴重嘅傷患,自從2015年6月加盟利記後,只係喺英超正選上陣八場。丹尼艾格斯同紅軍嘅合約,到2020年夏天先至屆滿。
--------------------
BFB CHAMPIONS 2.0 聖誕新年活動連環出擊,登入即送傳奇球星「林伯特」! http://bit.ly/2xrTKGM