謝安琪（Kay）、任賢齊（小齊）、郭秀雲和組合BOP（前名天堂鳥）今早在青衣參與單車百萬行活動，小齊昨日和今日均為慈善做運動，感到腰酸骨痛。

小齊解釋因為早前為拍鈕承澤執導的電影《跑馬》增磅而欠缺訓練，近期減重太快令肌肉流失，有容易抽筋跡象，現時會抽時間操練肌肉，希望一星期做兩至三次帶氧運動。不過，由於可能要補戲的關係，還未定要增肥或減磅。

另一方面，小齊為角色已經一年沒有剪頭髮，自言好烏歪，更直認遭老婆投訴：「冇剪髮，冇剃鬚，又唔畀洗頭，有時會偷用清水洗，角色講我要污糟邋遢。」問到太太會否嫌棄要分床瞓？小齊說：「唔好問呢個啦，仲要keep住食檳榔，真係食到我頭暈同牙痛。」小齊將於4月在洛陽舉行演唱會，他指自己為拍電影差不多成年沒有其他工作，公司都叫他盡快出山開工。

至於Kay則指今年未夠信心參加單車百萬行，希望下年可以歸隊，並解釋因為肺部弱，驚踩單車上斜會不適。她指整個農曆新年都盡情放假，處於休閒狀態，新作已經準備好，預計會趁着本月生日月內推出。

重提老公張繼聰情人節到尖沙嘴上演自彈自唱的浪漫舉動（新聞連結： https://bit.ly/2TQCSEM ），Kay甜笑表示：「佢好激進，做啲咁年青火花事，始料不及，我哋結咗婚12年，冇諗過佢真係會做呢啲事，揀選嘅地點都令我懷疑佢有部署，係好青春氣息舉動。」問她如何償還一個浪漫給老公？Kay說：「唔使還啦！沒完沒了，佢係一個好開心嘅人，好難得成日喺生活中發掘小開心畀我，我哋唔係浪漫型，係實幹型，唔會大肆慶祝同買禮物，可能久不久會得意啲，難得佢咁夠膽。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef