昔日混血女神Leah Dizon喺06年殺到日本發展，迅即紅遍亞洲，當年係唔少宅男嘅頭號偶像。不過Leah Dizon喺事業高峰同形象師奉女成婚，生完囡囡美蘭之後無耐就離婚，結果佢選擇離開日本藝能界，返美國過平凡生活。

冇見一排，最新一期成人雜誌《Weekly Playboy》為記念創刊50周年，搵嚟現年已30歲嘅Leah Dizon擔任封面人物，已為人母嘅佢着住三點式仍然keep得好好，雜誌負責人話但Leah Dizon雖然咁耐冇影水着初初有啲唔慣，但好快已經回復狀態，佢對於再次有機會影水着寫真亦好開心，唔知Leah Dizon會唔會透過今次寫真試吓反應，心思思想復出呢？