毛記分獎典禮風頭一時無兩，不過台慶節目過於拖拖拉拉，感覺沉悶，東方昇的特異功能更表演足半小時！

大媽舞劣

台慶開場安排一班傘下母親跳大媽舞，但歌曲選唱國語版之餘，舞蹈編排未見精采，未能為台慶掀起一個引人入勝的序幕。

嘉賓重複

年初毛記分獎禮嘉賓有方健儀、王宗堯、盧海鵬和張崇基、張崇德兩兄弟，前晚台慶又是同一班藝人亮相，予人重複感覺欠新意。

拉長嚟做

東方昇表演「特異功能」足足半小時，猶如做個人棟篤笑，時間拖得太長。

空檔太多

環節與環節間經常未能銜接，因而出現許多dead air位，感覺極不暢順。

抽車甩轆

在現場觀眾選出最like環節後，兩位幸運觀眾進行七手車抽獎，但關鍵的最like環節一直未能顯示，抽觀眾部份又甩轆，令整個環節極沉悶。

【挽回頹勢】盤菜露青筋夠亮眼

儘管整個台慶騷予人感覺沉悶和間中甩轆，但仍有精采之處令人留下印象。

靚仔Dickson

專家Dickson徵婚環節中出現他小時候的靚仔相，反差之大令人相當驚喜，接着唱《陪着你走》時盧冠廷現身合唱更掀高潮。

盤菜賣力

盤菜瑩子在「我是超級蒙面好聲音」環節獻唱《我聲帶真的受傷了》，狂飆高音唱到青筋盡現，努力程度令人讚嘆。

亞視壽包

毛記請來亞視前高層葉家寶擔任毛記電視臨時特約一次性行政總裁，為台慶主持切壽包儀式，夠抵死。

【全城熱話】邵仲衡：來日方長可改進

毛記台慶前晚不似預期，被網友不斷負評，不過亦有人撐現場氣氛好。

方健儀：我覺得現場氣氛好好，可能《勁曲金曲》呢個珠玉在前，做多啲咪得囉，腦細唔使灰心。

卓韻芝：我喺現場感覺氣氛好好，佢哋始終好後生，要畀多啲時間佢哋好儲多啲經驗。

邵仲衡：就甩就甩，過癮所在，覺有缺憾即有機會改進，來日方長，冇壞。

網民Victor Leung：你最應該多謝ViuTV，Overrun咁多都繼續播，對比起某大大台，一早cut咗個節目！