停業了50多日，健身中心終於可以有限度重新開放，政府今日開始放寬部份社交距離措施，健身中心有條件重新開放，連教練在內每一組訓練或課堂最多4人，每個小組之間至少1.5米距離，任何人在健身中心內亦須佩戴口罩。有健身中心於宣佈放寬後，預約已經額滿，但負責人直言是因為人數受到限制才很快額滿，直言停業的日子苦不堪言，現時重開，客流亦只及高峰期的三分之一。

位於太子的RMG Muaythai & Fitness Gym今日有限度重開，記者下午到達健身中心，已看到教練和學員佩戴口罩在做運動，每組亦保持1.5米間距。該健身中心的總教練兼健身搏擊運動業界大聯盟召集人柯尊鼎表示，今日重開後，雖然預約已滿額，但人流仍只能達到全盛時間的三分之一，「以前可能容納到26至30人一班，但依家只係夠膽放出嚟10至11個，人數相差好遠」。

柯尊鼎表示，即使能有限度重開，但也有學員因要佩戴口罩而選擇不來上堂，也有學員提出退錢。「但都好多人好開心，因為真係等咗好耐要做運動」，為配合重開的防疫工作，柯的健身中心採購了大量眼罩、口罩托、口罩、消毒酒精予學員使用，「等佢哋用咗口罩托呼吸好啲，運動完口罩濕咗都可以換」。

柯尊鼎指，因應學員及教練須佩戴口罩運動，會盡量調整訓練內容，以免進行耗氧過多的運動，「今朝都有個單對單嘅學員暈咗」。他批評政府應於疫情嚴峻時，讓健身中心可以此方法有限度營業，「但就一刀切要我哋停業，依家咁樣重開，都只能無奈去接受」。

柯嘆被勒令停業，真正是手停口停，但仍要繳交高昂的租金，而政府對此卻未有出手相助過，「呢度每月13萬租金，加埋其他嘢一個月都廿幾萬，依家淨係希望開返嘅收入夠交租」。對於新一輪防疫抗疫基金，柯尊鼎直言感到悲觀，「飲食業都仲可以開到，賠償都按規模大細，但我哋上次劃一得10萬蚊，馬逢國今日仲話呢個係補償唔係賠償，點會唔係賠償，我哋無做錯嘢，係政府封關不力」。

不少市民趁健身中心重新開放首日便預約上堂、做運動，已學習泰拳4年的Ryan表示心情興奮，今日是特地請假前來上堂，「之前停咗嗰陣只能夠喺屋企做吓，但始終空間有限，同埋都唔係好敢出街跑步」。Ryan直言戴口罩做運動比較辛苦，惟有盡量調整運動強度，對於戶外運動毋須戴口罩而室內要，Ryan直斥政府防疫措施不一致，「政策離地，訂之前無諗清楚」。

另一名學員關先生指已學泰拳兩年，停業期間亦只能在家運動，「但自己喺屋企做唔到太多，同埋有教練喺度，喺背後推動你真係差好遠」。關先生今日於健身中心運動了兩小時，已準備了口罩托，故認為戴口罩運動可以接受，「呼吸一定係爭啲，但教練會適量減返少少運動量，自己都慢慢嚟」，希望日後能放寬豁免運動時要戴口罩。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！