當年今日

迷幻少女箍司機頸 的士撞欄
情緒興腭落車後狂踢車門

蘋果日報 2008/10/06 00:00


離奇遇襲的士司機姓紀(43歲),他是於昨清晨5時許駕的士在彩虹道彩頤花園,接載一名年約20歲、穿白衣戴草帽、手持一個大膠袋女子往尖沙嘴山林道。
「開車冇耐佢不斷叫我開快啲,我已經盡量快但佢係咁催我,情緒好似好興奮咁呀!」司機講述事件仍驚魂未定。當的士駛至紅磡時,女子要求司機改往尖沙嘴漆咸道南嘉芙中心。
「當架車駛到漆咸道南理工大學游泳池對開時,佢好似女殺手咁突然喺後面用右手箍我條頸,又用手拉我揸軚嘅左手,一拉軚盤扭左,架車就失控撞埋左邊行人路鐵欄囉!」司機指事發得太快來不及反應。
的士撞毀10米鐵欄鏟上行人路衝向鐵絲網停下,車頭嚴重毀爛左車身凹陷,司機僅頸部受輕傷。
車上女子未有受傷,落車後狂踢車門,向司機拋下一句話:「我會幫你報警㗎!」遺下所戴草帽、一部數碼相機及清理貓隻糞便「貓沙」的大膠袋,向漆咸道北方向逃去。
司機驚魂甫定後報警,接受救護員治理頸部傷勢後拒絕入院,他對事件表示不明所以:「佢可能食咗藥HIGH咗啦!」
市區的士司機聯委會主席郭志標表示,司機有權拒絕可能會滋擾安全駕車乘客上車如酒醉人士等,在開車途中乘客有異常行為時應立即停車:「駕駛安全最重要,應該立即停車叫佢落車或報警處理,乘客滋擾司機開車係犯法嘅,最高可被判罰三千元及入獄六個月。」