今朝（21日）為周日（24日）日賽的最後試跑，大圈跳馬情況繼續熱鬧，大師兄賴維銘更一早到場，一共操過六匹馬，十分繁忙；而剛在夜戰起孖，成為騎師王的潘頓，今早亦落力備課，就連《蘋果》晨操專家積奇都睇好這位冠軍級騎師於周日之座騎。

其中第八場的「雲信凡高」（沈集成馬房）今早由潘頓策騎，並拍楊明綸的「按得贏」跳兩段，前駒在外檔跟上，用暗力拉實，積奇話此駒躍躍欲奔心火湧現，狀態勝上回；後駒則居內檔，戴頭罩主動先走，末段保持硬朗去勢。

另外第九場的「中華之光」（葉楚航馬房）當然由今仗鞍上人潘頓跳兩段，沿途按住走中檔，馬身見茁壯。雖然操練時有汗但情緒穩定，直路稍加快，姿態從容不迫。積奇認為拼後加強操練，勇況續添。