今個星期係日本財政年度結算,基本上所有大廠都會作最後衝刺,推出大作谷靚盤數。而喺GBA上好評如潮,再喺PS2上推出嘅《小飛俠阿童木》,就叫人失望,無論日本、香港反應都麻麻,市價約$350左右,至於上星期推出嘅《真.三國無雙:Empires》,雖然以$300樓下嘅低價搶灘,但係反應亦係一般,反而Namco以Q版另類玩法嘅《塊魂》就賣得最好,市價由$320上到$350都有價有市。而以性感女優做主角嘅《MahjongParty》,大約$310左右,至於每年結算前少不免有好多大名氣嘅舊Game,就以跳樓價清貨,大多跌到$200樓下有交易,如《幪面超人》、《Drag-onDragon》等,都賣$180左右,唔少機迷趁低吸納作收藏。