43歲日本女歌手華原朋美曾經係當紅歌姬，可惜經歷大上大落，曾傳出自殺不遂及濫藥送院等負面消息，日前佢更被爆同73歲已婚嘅不動產集團董事長過從甚密，捲入不倫戀風波。

雖然華原朋美已解釋對方好似爸爸一樣，否認有曖昧關係，但仍然不堪被網友批評搞不倫，昨日佢突然關閉社交網站，分別在Instagram同埋Twitter講告別：「謝謝大家！大家要保重！Byebye！」之後就刪除兩個帳戶，令外界大感愕然，而華原朋美日前又留言話：「是時候了……我想考量我自己的幸福……而不是華原朋美的……」引起網友揣測佢是否暗示效法舊愛小室哲哉打算引退。

精選娛聞，喺晒《娛果》
http://fb.com/appledailyent