當年今日

四哥拉姑悠閒歎茶

蘋果日報 2002/07/27 00:00


謝賢(四哥)對於有報道指其子霆鋒有意退出娛樂圈一年一事,他昨日在電話中說:「我啱啱喺內地返嚟,都未睇報紙。等我親口聽到霆鋒同我講先,所以呢件事上我係冇意見。」
問四哥可覺霆鋒壓力太大時,他說:「傳媒應該少啲追迫佢。」若霆鋒休息一年,經濟可會受到影響?四哥說:「我哋經濟冇問題,大家唔信可以查吓我哋銀行戶口,我可以提供銀行文件㖭!」

談經濟扯火
此外,四哥與前妻狄波拉(拉姑)昨日在中環喝下午茶,問四哥其子可有準備跟王菲結婚?他說:「咁大件事佢會同我研究。」
而問拉姑可有為霆鋒的傳聞擔心時,她點了點頭。再問她有否擔心霆鋒收入減少?拉姑勞氣地說:「乜嘢少咗?你哋都有父母,要尊重吓人格同職業,唔好話我當個仔係搖錢樹,我都係人哋父母。」
採訪、攝影:顏英儀