范振鋒今日到中環出席活動，與年青人分享做生意的經驗。他透露最高峰曾投資共十間食肆：「做飲食都賺到錢嘅，不過真係要親力親為，最好自己都識煮。我試過畀個廚問我知唔知一斤鹽幾錢，我真係唔知，所以而家都係做番最熟悉嘅娛樂事業。」范振鋒又謂現時仍有人不時邀請他做飲食，但還是做娛樂比較有信心。

范振鋒提到自己首次做生意是讀書時期，當時與兩個同學每人投資兩、三萬賣衫：「嗰時就嚟畢業，某名牌嘅衫好受歡迎，於是我哋就賣衫。點知被人出律師信話我哋賣水貨，驚到即刻送啲衫畀朋友，好彩開頭都賺到啲，係蝕咗人工啫，所以做生意真係要了解清楚。」

-----------------------------
7月4日起 《蘋果動新聞》只限升級壹會員閱覽
繼續撐蘋果！