地產多聲道:發展商今期興搞酒店

蘋果日報 2002/06/17 00:00


近嚟多個發展商都計劃起酒店,唔通酒店業前景真係咁好,戴德梁行會響聽日發表報告,話據統計,到05年本港酒店房間會供不應求,酒店極具發展潛力。同時重會講吓住宅樓市嘅前景。
太古同新地搞嘅維景灣畔徵文比賽噚日頒獎,由於冠軍作品內容提及耍太極,司儀透露這位得獎的小作家都識,所以叫佢即場露番一手,似模似樣㗎,唔怪得可以寫呢個題材攞到獎啦!
香港置業置專會響禮拜三舉行「置專深海搜索海鮮宴」,出席嘅包括董事胡日發、陳坤興同30名會員。

親子棋賽變親姐
噚日係父親節,長實及新世界喺傲雲峰售樓處搞親子棋王大賽,原意是透過遊戲增進父子間的親情。新款的遊戲棋果然吸引不少小朋友玩(圖),但同佢地對弈的卻是發展商請來的靚靚part-time姐姐,父親卻不見蹤影。睇他們玩得咁開心,小朋友昨日與靚姐姐間的感情相信增進不少。
蘭西