容祖兒日前為新歌《另眼相看》拍MV，今次請來廣告導演VernieYeung操刀。導演想呈現Joey性感一面，要求佢着上多套性感內衣又跳又唱，祖兒除咗以濃妝艷抹冶，配上性感鐵騎士look拍MV外，又同六位僅穿貼身短褲猛男大跳熱舞，連佢本人都笑言今次係大解脫。
為求MV效果完美，祖兒更出動所有私伙內衣，佢話：「好彩平時見到就買定，今日先可以預備到咁多咋！」