林家棟以演藝人協會副會長嘅身份，出席香港電影工作者總會春茗晚宴，今晚佢仲係統籌加司儀，問到佢有冇諗過做編劇，佢就話其實o依家都有一兩套戲落筆去做，都算係半個編劇。

講到嚟緊今屆金像獎林家棟有份提名男配角，佢就話自己唔太有信心，都有睇過其他入圍者嘅作品。因為之前攞過最佳男主角，講到如果今次攞埋男配角，就可以集齊一套獎，佢就話：「作為一個演員，有就當然會更圓滿啦。」

鄧麗欣今日件衫就有少少性感，問到金像獎獲提名最佳女主角，到時戰衣會唔會都好性感？佢就話o依家仲同形象設計諗緊，都係以靚為主。問到有冇緊張，佢就話：「o依家仲未識緊張，入咗直路先算。」講到有冇睇其他提名嘅最佳女主角嘅作品，佢都話好鍾意，希望大家可以見到一個新嘅鄧麗欣。

精選娛聞，喺晒《娛果》
http://fb.com/appledailyent