西班牙《馬卡報》報道，英超車路士同埋前鋒迪亞高哥斯達（DC）基本上已經去到無彎轉嘅地步，事關車仔最新嘅行動，進一步證明咗藍戰士已經唔再當呢位西班牙國腳係一隊嘅球員。

之前雖然有報道話DC將會返去英國，結束自己長時間嘅自我放逐，返倫敦同球會報到，不過佢又俾傳媒影到其實從喺巴西，仲揸住車同路邊嘅細路仔傾計。咁當然車路士都唔會話 怕咗迪亞高哥斯達，據報球會已經決定將佢泊喺一隊停車場嘅車，搬去預備組球員專用嘅停車場，另外亦都清空佢上季用緊嘅locker。不過，呢個locker嘅新主人係邊個，就暫時未知道住嘞！