美國女足上周五晚喺女子世界盃半準決賽以2:1淘汰東道主法國，今場波梅開二度嘅美國隊長娜賓露自然係最大功臣，佢亦都成為咗巴西名將瑪達2007年之後，第一位連續兩場女子世盃賽事都可以攻入兩球嘅球員。娜賓露近日就因為喺賽前拒絕唱美國國歌俾美國總統特朗普點名批評，不過呢位現年33歲嘅美國隊長冇驚過，甚至喺twitter同特朗普爆發罵戰，敢作敢為。