林嘉華、伍詠薇（伍姑娘）、江美儀、單立文（豹哥）、楊天經、艾威 、陳彥行、李思欣、李綺雯、劉凱欣、梁嘉琪、泰臣和喬寶寶一班藝員前晚在香港理工大學賽馬會綜藝館大劇院演出舞台劇《嬉春酒店》尾場，一齣老少咸宜的舞台劇吸引了楊受成伉儷、蔡卓妍（阿Sa）和鍾欣潼（阿嬌）、李思捷、唐麗球等入場欣賞，在笑聲和淚水中結束，謝幕時，江美儀爆喊呻辛苦說：「經歷咗好多好多困難，我哋都冇失禮人，已經好好，我哋亦贏到好多友誼。Really proud of it.」之後一班演員擁作一團，場面感人。

「有味」爆肚

在《嬉春酒店》爆肚連場，單立文指伍詠薇和林嘉華是「姦夫淫妻」，豹哥對着伍姑娘說：「Please mind your gap.」伍姑娘即刻雙腳一夾，用手遮住自己重要部位。其間豹哥又用下體撞擊伍姑娘，令她即場彈開，伍姑娘後台接受訪問時說：「係呀！我被佢由台邊chok到去台中間，其實舞台劇就係咁樣，每日都有唔同嘅火花，大家睇得最開心係佢頂撞我，不過唔係用把口。」豹哥笑指自己下面又粗又軟。
江美儀激動爆喊，她說：「上年秋天開始已經構思，其間不停遇到困難，又擔心票房，正所謂輸人唔好輸陣，怕反應唔好，日日都問住票房，今日最後一日，老豹（單立文）講得啱，我哋想發放我哋嘅開心正能量，覺得冇白費到，好感動。」
採訪：盧妹
攝影：陳俊強