綽號「花柳全」的甲級重犯何毓桓去年服刑期間，用重近10公斤的壓紙石襲擊兩名南亞裔囚犯，何早前認罪被加監37個月。他今親自就定罪和判刑提上訴，甫開庭即問上訴庭法官：「要清楚知道呢個陳廣池(原審法官)係咪大陸新移民，佢嘅作風、手法好似同大陸法官一樣」，並指陳猶如大陸長沙、佛山的法官般「強逼認罪，唔俾講求情。」

上訴人何毓桓（56歲）承認去年4月18日在石壁監獄蓄意傷害Tahir Nawaz，令他顱底及顳骨骨折、右耳出血，昏迷兩天始恢復知覺，以及襲擊Azad Mohammad Farhan致傷。

上訴庭副庭長楊振權指何承認用石頭襲擊事主，定罪毫無爭辯基礎。何則指判刑明顯過重，稱其中一名事主「冇乜傷勢」，並投訴原審法官陳廣池不讓他求情，對他不公，更謂「要清楚知道呢個陳廣池係咪大陸新移民，佢嘅作風、手法好似同大陸法官一樣。」

楊官聞言失笑問：「點解呢？」何即滔滔不絕：「佢唔俾我講求情，我要講前因後果，佢唔俾我講…...佢量刑冇考慮我犯案時嘅無奈心情。」楊官則指他當日就求情的錄音謄本長達19頁，反問「唔係唔俾你講喎」，何即指「講咗10分鐘咋。」楊官則解釋判刑是基於犯案手法、經過以及事主傷勢，動機非最主要考慮因素。

楊官並勸告何不要詆毀大陸法官，何反駁：「我睇報紙係咁講，長沙、佛山法庭強逼認罪，唔俾求情.….」楊官打斷謂「你唔好再講喇，我唔知大陸啲法官點審」，何揚聲謂：「你睇陳廣池就知！」

何仍不放棄地指「法官你未答我陳廣池係咪新移民?」楊官回應問題無關，不會作答，並謂「新移民做法官機會唔係好大，因為需經過好多訓練」，何仍喋喋不休指「唉呢個世界好多臥底㗎。」楊官最後駁回上訴，並向何指他仍有權再提上訴，何即謂「唔使咁麻煩，我而家向你上訴，你係咁意減返我兩、三個月，我上來好辛苦呀。」