【新增內容】日本名導是枝裕和執導新片《小偷家族》於康城影展奪得最高榮譽金棕櫚獎，電影昨日終於喺東京全面上映，是枝裕和今日率領主角安藤櫻、Lily Franky、松岡茉優、樹木希林以及兩位童星城檜吏、佐佐木光結現身六本木山嘅TOHO CINEMAS舉行開畫謝票見面會，連只客串兩個鏡頭嘅男星池松壯亮都有出席，《蘋果》專程飛到東京直擊今次盛況。

今次謝票見面會在日本時間中午1時許舉行，是枝導演率領七位演員站台造勢，年屆75歲嘅樹木希林要撐拐扙到場，由是枝裕和扶住上台，松岡茉優穿上鮮紅色裙十分搶眼，提到今次活動，佢形容好似一個家庭聚會，心想點解會有埋池松壯亮參與，佢解釋戲中池松係其風俗店客人，仲發展出真感情，笑言係大會造就今日機會池松見家長，松岡茉優即刻扮介紹：「我客人！」池松坦言片中冇對白，所以今日特別滔滔不絕。

《小偷家族》開畫日票房1.3億日圓（約930萬港元），連日前優先場近2億，估計周末收5億（約3,600萬港元），氣勢如虹！

精選娛聞，喺晒《娛果》
http://fb.com/appledailyent