廿多年前，首富李嘉誠為推銷地區偏遠的天水圍嘉湖山莊，搵來「金句王」黎明做代言人，拍廣告宣傳樓盤。黎明當年在廣告的其中一句金句「呢度既生活，真係意想不到」，果然成真，這個大型屋苑樓價升跌，真係非大家意想得到!

「金句王」不單代言，廣告內首句已經係「每個人都需要一個安樂窩」，當年96年亦有入市買嘉湖山莊，按土地註冊處資料顯示，麗湖居6座中層E室，2房單位，實用面積446方呎，96年5月由LAI MING LEON登記買入，買入價134.5萬元，短炒半年，同年11月以188萬元沽出，金句王短賺54萬，果然係「嘉湖山莊可能係你最理想既豪宅」。
今日匯豐銀行網上對黎明曾持有的單位估價，單位估值470萬元，較他當年購入價升2.5倍，若然未沽貨，賬面賺335萬。