【子健蘋馬】唔跑泥地轉攻谷草！「銀紙」條件唔輸蝕
蘋果日報 2019/12/17 21:05
銀紙泥地谷草苗禮德子健蘋馬
銀紙一路淨於沙田馬場出賽
明晚（15日）谷草第五場三班1200米，今期同班同程拆開三場，各廐報名馬數目唔算多，較少三、四選馬，苗禮德只報「銀紙」及「騰龍駒」兩駒。
兩駒其實都有優先出賽權，不過，剛周日（15日）有三班泥地1200米，苗禮德寧願畀完全唔啱路程的「事勝意」跑，都唔安排「銀紙」跑泥地，更定位為馬房出賽第一選擇，決意要「銀紙」挑戰谷草1200米，信心何來呢？
只在前年試過一次谷閘的「銀紙」，足有兩年冇再到訪跑馬地，苗禮德點解唔揀泥地，執意挑戰谷草呢？在此搵唔到玄機。
由另一角度睇，「銀紙」跑泥地是否好過草地呢？答案當然唔係！
此駒不但是草地起家，而且一直覺得「銀紙」跑草地有好冇壞。
連輸兩次後，轉一轉好合理，決定求變前，做齊大閘、拍跳工序，排位朝（16日）跳埋最後試跑，難得有這樣的完整度，亦難得有運抽到1檔。
只要出閘冇甩漏，受惠於拆組，遇到無一季內曾贏三班賽的對手，條件唔輸蝕！
第六場四班1200米，「開心人生」上仗久休七個月復出，首度挑戰同程，若非遇到唔太好際遇，有權追贏賺盡的「如真如假」。
本身再次證明確非一般四班馬，熱身後隔三周再跑，時間表理想，條件較同場其他熱門更為可取。