【新增事務所回應婚訊】
44歲日本影后宮澤理惠，自從搭上V6嘅39歲成員森田剛後一直盛傳好事近，有指佢或趁4月6日嘅45歲生日當天再婚，並傳來佢已秘密懷孕消息。

二人多次傳出婚訊，今日日本方面再傳來喜訊，指森田剛同宮澤理惠已低調結婚，而「V6」fan club嘅會員更收到Fan club會訊得知森田剛已結婚消息，讓婚訊曝光，而消息立即於網上傳開，雖然雙方事務所尚未發表正式聲明，但當地電視節目已有報道二人結婚喜訊。而婚訊傳出後，兩人亦已發傳真就確認婚事。
 
兩人已拍拖1年半，之前已傳出宮澤理惠會喺下月6日佢45歲生日當天，趁機宣佈再婚。森田剛成為第4位結婚嘅V6成員。

另外，根據《東京體育報》報道指宮澤理惠因懷孕而辭演舞台劇，盛傳二人奉子成婚，不過宮澤理惠本月初出席「第41屆日本電影金像獎」頒獎典禮時，佢着上火紅色鬆身裙，孕味十足。有日本媒體今日向佢事務所求證，事務所方面就回應：「冇懷孕」。

而日本《FLASH》周刊上月報道，宮澤理惠同前夫所生女兒剛剛搬到位於東京市中心超高級大樓內嘅新家，新家有4房及客飯廳，預計係用作婚後愛巢之用。

精選娛聞，喺晒《娛果》
http://fb.com/appledailyent