徐濠縈及陳法拉昨日齊現身尖沙嘴，出席MarcJacobs眼鏡活動，兩人被問到城中熱話張栢芝與陳冠希機艙相遇，有指霆鋒不滿栢芝隱瞞此事，致令爭拗不停，有傳二人因此婚變。阿徐及老公陳奕迅（Eason）向與霆鋒稔熟，昨日問到此事時，她說：「呢排好忙，都少見咗，希望佢哋快啲冇事，雨過天晴啦，每對夫婦都會嗌交o架啦。」

阿徐與老公Eason嗌交次數是否頻密？她說：「我生咗女之後好似變咗另外一個人、冇乜脾氣、溫和晒，反而Eason可能工作壓力大，脾氣就大啲。」再問阿徐與Eason以前嗌交時，會否像火星撞地球？阿徐說：「以前就有頂撞，家就得佢撞埋嚟，同埋屋企家有個女，更加唔可以大吵大鬧，要做個好榜樣畀佢睇，其實只要兩個人係認定對方，嗌完交都會冇嘢。」

陳法拉也指與男友甚少吵大鑊，她說：「通常大家都會冷靜吓唔講嘢，大家都嬲時講嘢咪仲火上加油？」通常誰先道歉？她說：「咁就要睇係邊個錯先。」
採訪、攝影：LoMui