韓國女團AOA嘅23歲人氣成員雪炫，擁有靚樣之外，亦都有完美body，招牌長腿亦都好吸晴。雪炫之前曾經講過自己365日都減緊肥。

近日雪炫上咗JTBC嘅綜藝節目《認識的哥哥》，佢喺節目中就公開自己嘅減肥方法，雪炫直認平日好鍾意食嘢，但係為咗控制飲食，佢好多時都要戒口，但有時佢都會好想食啲炸嘢，當佢好想食炸嘢時，佢就只會揀食蕃薯一個，食炸雞亦只會揀雞胸部份。

主持姜虎東就話知道坊間有雪炫獨家減肥食譜，雪炫就坦白話網上所謂嘅雪炫減肥食譜都係呃人，唔係真係佢嘅食譜，雪炫話自己除咗食嘢亦都會認真去做運動，佢會喺節目上公開了自己嘅減肥方法，節目將於今晚播出。

更多韓流，喺晒《娛果》
http://fb.com/appledailyent