盧凱彤（Ellen）今日去商台宣傳全新國語碟，佢話隻碟係紀念年初病逝嘅表姐，仲話對方令佢明白到珍惜和及時行樂：「有說話趁早講，有人想見就趁早見，依家有時間都會選擇陪家人。」

問Ellen到同佢friend底嘅何韻詩係咪參透咗呢個道理先勇敢出櫃？Ellen即話：「當日我都在場，感動到喊，明哥都拍晒手，所以明哥同阿詩都係我偶像。」Ellen又話因為社會歧視，令好多人沒膽面對自己。