【做過Model同主持】蔡婷婷轉型做獨立歌手 出歌圓夢想
蘋果日報 2019/09/06 16:31
蔡婷婷
（攝影：張明）
由模特兒及節目主持，轉型做歌手的蔡婷婷，今日到深水埗為首隻歌曲《幻燈片》舉行MV首播會。
蔡婷婷指歌曲內容是紀念自己讀書時的點滴，婷婷說：「自己中學時期已經鍾意唱歌，過往有參與一啲學校比賽，到社區會堂表演，曾經喺歌唱比賽攞過亞軍，算係攞多啲舞台經驗，唱歌要喺舞台上不斷磨練。」婷婷指唱自己歌與唱別人的歌感覺很不同，今次能夠推出歌曲，達成夢想很開心，預計半年後推出下一首歌，她說：「希望能夠做快歌，自己努力緊學跳舞，之前做過節目主持，例如財經、靈異節目等等，之後會拍廣告，希望多方面嘗試。」
蔡婷婷是獨立歌手，沒有簽唱片公司，她說：「都係靠朋友幫手製作同投資，做一隻歌要5、6萬，希望搵到好嘅唱片公司先至簽約。」
採訪、攝影：張明
蔡婷婷希望之後能出快歌。