當年今日

701收料站:建溢業績應唔差

蘋果日報 2002/07/10 00:00


經紀陳話睇好下周一公布業績嘅建溢集團(638)。建溢噚日微升2.2%,收2.30元,但成交就唔大,唔夠400萬元。
經紀陳話,上次建溢公布中期業績,盈利都有6366萬元,較去年同期上升32.4%,除非市場突然逆轉,否則全年業績應該唔會差。
隻股早排炒上2.85元高位冇耐,就出現管理層減持,加上早排市況唔就,建溢股價一度質落去2元樓下。
不過,近排情況又唔同,開始見到有幾間外資行掛牌買入。下周一公布業績,或者有人憧憬業績靚,短炒一轉都唔定。
另外,上市首日即急跌嘅主板公司騰達智能(691),近兩日顯著上升,但就仍未浮上招股價75仙。
聽聞隻股首日潛水,令到好多人極之唔高興,所以有人要補鑊,急急收齊貨再玩過。
慕容小初