人稱「正哥」的莫可正為退休廚師，只有小學程度的他，從來沒想過自己也可以當老師。透過耆康會耆康學院的「我可為師」計劃，正哥有機會接受正統的導師訓練，畢業後他更義務在社區中心、懲教所開班教授廚藝，發揮助人自助的精神。

五十八歲的正哥，去年在耆康會看到一張宣傳海報，上面寫着「我可為師」四個大字，給了他很大啟發。「我發夢都冇諗過，我得小學程度，都有資格做人老師？我真係得？」正哥笑不攏嘴說。

半生從事飲食業
正哥自幼喪母，身為長子的他，十二歲便出來社會工作幫補家計，他從事飲食行業數十年，由送外賣、學徒、大廚一直晉升至飲食集團的副經理，他的烹調技術可謂毋庸置疑，但談到教學，正哥則是新丁一名。「自己煮同教人煮完全係兩回事，況且我冇學歷又冇「沙紙」，最初都擔心應付唔到，但呢個課程好好，唔單止邀請咗退休校長、資深教師嚟講解教學技巧，亦有好多小組討論嘅環節，令我有好多思考機會，同時喺其他同學身上學到好多嘢。」正哥侃侃而道。

到懲教所教烹飪
經過大半年教室培訓，正哥早前正式執教鞭，他除了在社區中心當烹飪班導師之外，更應懲教署邀請，到喜靈洲勵新懲教所教學，印象難忘。「懲教署希望透過一系列課程，畀在囚人士發展正常興趣，令佢哋有一技傍身，出獄嘅時候容易啲搵工，我覺得呢個計劃好有意思，所以就算係義工性質，冇人工，我都一口應承。」