當年今日
關於我們

【keep住新婚】陳明恩朝朝為老公煮早餐 趙哲妤送金飯碗

蘋果日報 2017/06/16 19:12

結婚趙哲妤陳明恩化妝師布偉傑

一哥布偉傑同太太Celia今晚喺科學園舉行婚宴,請咗唔少圈中好友出席,其中,結婚冇耐嘅陳明恩亦都有出席,講到準備咗乜嘢禮物送俾一對新人,佢話準備咗啲家居用品送俾佢哋,唔知佢嘅新婚生活又過得點樣?陳明恩冧爆話:「仲sweet緊,學習緊點樣keep住呢份感覺,老公每一日都有製造啲浪漫,我朝朝早都會整早餐俾佢食,盡量每一日都有唔同嘅款式!」
不過明恩話廚藝唔叻:「我自己要努力去學,但係老公都讚好食,搞到我啲信心都多咗!」造人大計方面,陳明恩話:「未有咁快,0依家啲工作又開始忙,7月會做舞台劇,我哋想先過吓二人世界,過1、2年先算!」
另一方面,因為舞台劇而同一哥做咗好朋友嘅趙哲妤(Uny),送咗一對金飯碗俾一對新人,佢仲話聽日係囡囡半歲生日,會同其他bb一齊慶祝!
而姜皓文同太太金慧英亦結伴前來,姜皓文話同「鬼佬」姜皓文識咗好耐,大讚對方話﹕「佢份人好夠義氣人,有咩事出聲都會幫手,佢太太仲幫我太太化妝,大家又係養貓之人,成日會交換心得。」今次婚宴雖然冇酒、冇魚翅,但姜皓文反而覺得咁幾好,佢話﹕「幾新穎吖,開心事唔一定要飲酒,咁都幾開心。」佢透露11月前仲有兩部戲要完成,但10月就會放假去檳城玩,佢解釋﹕「因為10月係我同老婆結婚結婚周年,仲有每年生日都會放假去玩,今次會同朋友一齊去檳城,我哋愈嚟愈鍾意檳城,退休後打算移民去嗰度住。」
empty
攝影:陳慧安
empty
陳明君
empty
關伊彤與彭皓鋒
empty
趙哲妤
empty
王俊棠
empty
姜皓文同太太金慧英
empty