有網民屈指一算,如果當日有關抗疫基金嘅派一萬臨時動議獲立法會財委會通過,雖然係無約束力動議,但議會表態對政府都會有壓力,財爺要諗喺唔喺抗疫基金派一萬蚊畀市民。咁樣計法,其實財爺分分鐘夾埋今個預算案,要派兩萬蚊畀香港市民,不過因為「反對派」同市民作對,令大家得返一萬,誓言要喺9月選舉向「最大反對派」民建聯錢債票償咁話。
仲有心水清網民翻民建聯舊賬,其實佢哋之前仲建議幾廿樣預算案措施,𠵱家啲圖仲喺佢哋fb,但絕大部份政府冇採納,只拎住派一萬蚊就聲大大話成功爭取,無法要轉移視線,等自己可以穩住支持者、為選立會加分之餘,又可以大聲講政府接納佢哋意見,預算案表決時可以投支持票,咁就唔會俾選民鬧佢哋盲撐政府!但如果十樣建議九樣唔接納都叫成功爭取,民建聯又真係好易做。
李八方