父親節就年年都有，但係今年對人稱「狗哥」嘅支聯會副主席蔡耀昌嚟講，就特別有意義，因為今年佢有個囡囡陪伴過第一個父親節。雖然佢個女得幾個月大，仲未識叫爸爸，但係「狗哥」已經好開心，今日邀請各方好友出席囡囡百日宴！「狗哥」個女雖然仲細，但係佢同太太已經開始進行民主教育，喺六四紀念館閉館最後一日，一家大細去參觀（圖）。「狗哥」仲講笑話個女係年齡最細嘅六四紀念館參觀者喎！