當年今日
關於我們
離開奧脫福傑斯仲有盃捧
蘋果日報 2016/07/26 06:00
最近離開曼聯嘅傑斯雖然已經42歲,但依然好波、依然受歡迎仲有盃捧㖭!
曼聯由摩連奴做領隊之後,有傳傑斯連助教身份都冇埋,所以佢決定離開奧脫福發展,而早前佢就同一班名宿好似史高斯、基斯普等等參加咗第一屆印超室內五人賽,結果傑斯就協助佢效力嘅孟買贏到冠軍。孟買喺決賽對由沙加度領軍嘅高知,兩隊踢成1:1要以互射定點球決勝負,雖然傑斯同沙加度都射失,但孟買最後射贏3:2,而傑斯喺之前嘅比賽入過波又試過後踭助攻,孟買贏到冠軍佢功勞絕對唔細。