甫進入「冬季Ｏ運會」現場，便見到聖誕老人及大雪人公仔，場內播出悅耳的聖誕歌曲，空中不時飄揚着白茫茫的「人造雪」，各式各樣的遊戲包括：繽紛彈彈雪梯、至激滑泡圈、花式滑雪表演……剎那間，孩童彷彿置身在一個歐陸的聖誕派對中，眾人的叫嚷聲此起彼落。

小英首度暢遊公園
「坐住個水泡滑落嚟好得意、好好玩吖，呢度有好多嘢玩。」現年五歲的小英，首次踏足海洋公園，心情興奮，一口氣便排隊玩了三個遊戲，活潑的她笑瞇瞇地說：「今年聖誕最開心係喺呢度玩，一陣最想坐吊車，因為未坐過，想坐喺上面睇吓啲高樓大廈。」

「我哋根本負擔唔起」
看到小英臉上展露燦爛的笑容，三十九歲的母親阿鳳亦感到十分欣慰：「嚟海洋公園呢度玩開支咁貴，又要入場費，我哋根本負擔唔起。」
阿鳳育有三名孩子，分別五歲至十八歲，其夫任職燒焊工人，數年前因胃部出血曾進行手術，此後，便無法工作，一家五口現靠領取綜援金維生。
她表示，去年聖誕節，他們的親子活動只是到就近的公園遊玩，今年可以來到海洋公園慶祝聖誕「真係好多謝社會上嘅人關心我哋啲貧窮家庭。」
另一位五歲女童螢螢拖着媽媽跑往玩「開心滑泡圈」，束起了兩條小辮子的她笑說：「我要玩滑梯、坐纜車、乜嘢都想玩。」