立法會主席曾鈺成今日喺專欄文章，拋低一句疑似暗寸特首梁振英嘅「TimeLies.SeeWhy」，卻唔肯拆解何出此言，搞到各界囉囉攣，想知曾主席嘅諗法。

雖則唔係曾主席肚裡條蟲，但卻英文了得喎，八方搵嚟公民黨立法會議員毛孟靜試下解謎。俗語話「時間會證明一切（onlytimewilltell）」，毛孟靜估計，曾鈺成今次反過來用「TimeLies.SeeWhy」，以「時間會說謊的」，並以CY同音嘅SeeWhy，作為問題同答案，實則暗指CY上任至今一直講大話，覺得曾主席「點止抽水咁簡單？我諗細佬曾德成一事（被梁振英炒魷），佢真係好shocking（震驚），如今有仇必報。」