求驗客手記:杜斯亞豪教深圳紅鑽 - 求驗客

蘋果日報 2011/02/23 00:00


有時睇中超轉會新聞,就好似睇狼來了一樣,一時話簽本田圭佑,一時又話簽卡蘭積卡,都冇下文;但有時狼來了都會變真,好似中超升班馬深圳紅鑽,周二落實由前尼日利亞、日本國家隊教練杜斯亞執教。法國籍教練杜斯亞,飲慣紅酒都好識做,攞起贊助紅鑽嘅中國名酒茅台作勢品嘗(圖);紅鑽董事長萬宏偉好豪咁講:「外傳杜斯亞年薪100萬美元(約780萬港元),我敢講呢啲都係流言,我哋提供嘅待遇遠超外界猜測。」