昨晚G.E.M.鄧紫棋同何超蓮分別喺IG放相，踢爆好姊妹李蘊同內地男友羅章冠舉行婚禮，原來李蘊己經註冊咗一段時間，噚日喺海南補擺喜酒，成為人妻嘅李蘊半夜先喺網上放咗張同老公嘅相報喜。

今日下午，李蘊就正式向傳媒發相，當中有佢哋Pre-wedding嘅相，早上返男家祭祖，夜晚婚禮同好姊妹超蓮及G.E.M.的合照，都充滿幸福感。兩人並於傳媒發稿表示:「李蘊(Renee)與丈夫羅章冠感謝大家及媒體好友們的祝福。願大家2016年新年快樂，家庭美滿!!」