根據韓國調查機構對電影演員品牌評價嘅調查統計，雖然人氣劇《鬼怪》男神孔劉近日冇新作品推出，不過觀眾仍然對佢好支持，所以喺今個月嘅調查中，佢就撼贏即使有兩部電影《與神同行》及《1987：逆權公民》上映緊嘅河正宇，成為電影演員品牌評價嘅冠軍。

而第二位則係河正宇，第三位就係有份主演《1987》嘅姜棟元。第四至第十位就分別為金泰璃、李秉憲、朴敘俊、金香起、車太鉉、孫藝珍、李鍾碩。

另外，孔劉早前為雜誌影嘅相，雜誌方面亦都公開。而孔劉喺《鬼怪》嘅拍檔李棟旭，佢為咗力撐平昌冬奧會及殘奧會，將會於3月13號喺江陵藝術中心師任堂大廳舉辦粉絲見面會(Fans Meeting)，今次見面會仲會免費畀粉絲參加，預計可以招待千多名粉絲。

更多韓流，喺晒《娛果》
http://fb.com/appledailyent