講開李晨舊愛張馨予，佢最近又做咗一件事，令其人氣怒升。

方法好簡單，其實就係，有網民話佢整容，old news，但唔緊要，只要你做人有公關，old news同負皮一樣好好用。

所以，前日張馨予就喺微博回應整容傳聞，話：「反正臉大我也不削骨，臉大美的清楚。」仲附送一張黑白相。點解要黑白？凸顯五官嘛。

但有網民就質疑張馨予打瘦面針，張馨予也大方承認：「打過。」即刻成功呃like，讚佢耿直。有人笑佢「打完塊面都咁大？」張馨予就答：「可能打了假的瘦臉針吧。」

張馨予其實之前就講過這個問題，佢話：「現在演員通過『微整形』的方式變美其實無可厚非，誰都想在電視裡美一點呢。」但唔知佢再睇自己呢啲舊相，又會點回應？定係話唔係佢自己呢？

「邊個係張馨予？」答案：左邊