當年今日
關於我們

【人大選舉】譚志源戰績唔夠李少光厲害

蘋果日報 2017/12/19 11:19

譚志源人大李少光

今屆人大選舉最耀目男新人,首推政制及內地事務局前局長譚志源啦,成場選戰由頭帶到落尾,事實上佢都好勤力,除咗親自向選委打電話拉票,各組織選舉論壇幾乎逢請必到,最終以1,580票勝出,得票率約88%,36人中排喺中游位置。
查實譚志源唔係首位前高官闖進人大選舉戰場,上屆選舉中,保安局前局長李少光都一鳴驚人,下海首仗就有1,387票,得票率約為93.2%,僅次於上屆有1,403票、得票率達94.3%嘅立法會議員廖長江,戰績勁過譚志源。
曾任廉政專員嘅李少光當年話過,想將香港廉政制度向內地推廣,唔知佢5年人大任期內,有乜成實際成果?譚志源呢次接棒上陣,唔通想向內地宣傳,香港立法會直選同區議會嘅一人一票選舉模式?
而順利當選人大嘅譚志源,今日仲同前政制局要員合體,前副局長黃靜文、由政助升到副局近日由美返港放聖誕假嘅陳岳鵬,以及曾任政制事務局助理秘書長嘅前AO黎淑禎,拍住到場為譚志源打氣。
empty
譚志源今早獲政制局前同事陳岳鵬(左)、黃靜雯同黎淑禎(右二及一)到場打氣。
empty
譚志源(許頌明攝)
empty
李少光(許頌明攝)