陳柏宇(Jason)將於11月喺九展舉行三場演唱會，今日佢到新城電台宣傳，佢話o依家積極籌備緊，門票經已售罄，陳柏宇坦言冇留意銷情，佢話:「演唱會對我來講唔係幾多人入嚟睇，而係大家睇完會唔會好開心咁走，成功定義唔係數字上，得到好多不同經驗。」

Jason對上個唱已經係五年前，當時唔太知自己做乜，今次會清晰去做好三場演唱會，下一目標向紅館進發？佢話:「冇特別諗，邊道做都係睇成績，唔係位置，最重要件事做得好。」

講到騷肌，Jason就話：「唔會除衫，專登唔操，騷肌苦練好漫長，又要控制飲食，好辛苦。」佢同女友明年七月結婚，o依家先投入演唱會工作，暫時放低婚事由女友安排，佢笑言:「七月前會死掂去，女友都好有意見，我唔會反駁，只會接受同支持，由得佢去搞。」