台灣藝人汪東城之前代言嘅衛生巾廣告，慘被改花名做「大姨丈」，今日大隻仔羅仲謙夥拍胡杏兒，喺中環碼頭宣傳衛生巾產品，榮升港版「大姨丈」。

提到連衛生巾都請謙仔做嘉賓，佢就沾沾自喜說：「係呀！之前做女性內衣，依家到女性衛生用品，我覺得係一個潮流，多啲男性角度出發去諗呢樣嘢，又唔需要去避忌，証明女士日常生活辛苦過男仔好多，每個月有周期性，好似依家咁熱咁辛苦，係要忍讓啲、呵護啲。」