奧斯卡影后珍妮花羅倫絲（Jennifer Lawrence）嘅私人飛機於三萬尺高空發生意外，需要緊急降落，幸好有驚無險！據報今日影后乘坐私人飛機，從家鄉肯塔基州的路易維爾起飛，到3萬1千尺高空時，一具引擎突然發生故障。飛機師決定進行緊急降落，點知降落途中連另一具引擎都失靈，情況相當驚險！幸好最後機組都可以順利降落紐約州水牛城，珍妮花與一眾人員最後都冇事。