神劇《來自星星的你》女星全智賢噚日自宣佈懷孕後終於出動，公開現身出席活動，唔少人都大讚懷孕6個月嘅全智賢風采依然，讚佢係最美麗嘅媽媽。

雖然全智賢因為大肚全面停工，留喺家中安胎，但其實佢都周圍行吓為代言嘅品牌工作，佢早前抽空到Gucci位於狎鷗亭嘅新Gucci專門店，着上鬆身衫同平底鞋嘅全智賢喺現場展示多個Gucci新手袋，顯得明艷照人。

不過大家最掛住都係全智賢喺《星星》中演繹令人又愛又恨嘅千頌伊角色，佢早前為其代言嘅炸雞拍攝新一輯廣告，廣告今日亦終於出街，只見女神喺廣告中化身做霸氣女強人，着住黑色套裝嘅全智賢腳踏一對有成5吋高嘅高踭鞋，出場時全智賢就霸氣從車子登場，不過當佢食到美味嘅炸雞時，佢就頓時變臉，由硬朗變成一名饞嘴嘅小朋友，認真又萌又鬼馬。