【《MAMA》香港場】BTS成大贏家連奪五獎 爆喊奪年度歌手
MAMA
韓國Mnet主辦嘅年度樂壇盛事《MAMA音樂頒獎禮》今年再次移師三地舉行,並已於本周一及本周三分別完成韓國及日本站,今晚則喺香港亞博館Arena舉行,而之前已盛傳兩大韓國事務所SM同YG齊齊杯葛《MAMA》,而睇返呢幾日來港嘅韓星,當中SM旗下嘅EXO、Super Junior、Red Velvet、少女時代等紛紛缺席,而YG嘅BLACK PINK、WINNER、iKON等都唔見影,YG方面僅得藝人車勝元等擔任頒獎嘉賓(相關新聞連結: https://bit.ly/2F7p4To )。
頭先一眾入圍歌手及團體現身完紅地毯後,頒獎禮就於今晚7時10分左右正式開始前,開場前現場粉絲都大嗌:「Wanna One、Wanna One」名,氣氛熱烈。而一開頭始就由防彈少年團(BTS)嘅隊長RM現身,佢以英文發言,全場大嗌。
【23:36】宋仲基再次登場,恭賀今晚嘅一眾得獎者。一眾歌手行出延伸台親近粉絲。
【23:27】BTS奪年度歌手,今年已經係BTS第三年得年度歌手獎,BTS:「呢個獎真係……」成員激動到喊,講唔落去。成員逐一致辭感謝粉絲及父母,Jin更喊住咁感謝成員。
【23:17】TWICE憑《What Is Love?》奪年度歌曲,今年已經係TWICE連續第三年得呢個獎。TWICE成員都感動到差啲講唔落去,隊長志效表示:「出道三年,能得到呢個大獎,真係好感謝大家。」又多謝老闆、工作人員及粉絲,感謝粉絲一直為佢哋打氣。子瑜用普通話表示:「首先感謝曾經幫助過我們的人、公司的工作人員、一直努力活動的成員,以及粉絲,因為有你們我們才能站在這個舞台。」
【23:10】BTS憑《Love Yourself 結Answer》奪年度專輯,之前連續五年都由EXO奪得呢個獎,今年BTS終於首度奪獎,BTS嘅隊長RM表示:「感謝全世界嘅粉絲,多謝老闆,呢個係個好大嘅榮幸,好多謝大家。」
【22:08】Angelababy登場,Angelababy用普通話打招呼,表示幾年前已當過《MAMA》嘅頒獎嘉賓,好開心呢幾年見證《MAMA》呢變化。
【23:05】Wanna One奪最佳男團,繼去年之後冧莊再得獎,Wanna One喺台上話:「能奪得呢個大獎,感謝粉絲及工作人員。」台灣成員賴冠霖用普通話表示:「能得獎都因為你們,多謝。」
【22:54】BTS表演改編版嘅《Fake Love》。
【22:46】BTS現身,以全白西裝look表演《Airplane pt.2》。
【22:42】宣美奪得最佳女歌手,宣美:「感謝工作人員,感謝為我製作帥氣MV嘅導演,之後會製作更多好音樂,多謝。」
【22:37】Seventeen奪得最佳舞蹈表演男團,Seventeen嘅Jun用廣東話表示:「好開心拎到呢個獎,多謝我哋嘅粉絲。」
【22:28】Wanna One再演唱《Spring Breeze》,全場大叫「Wanna One!」
【22:22】Wanna One嘅姜丹尼爾solo表演舞蹈,隨後成員現身表演《Beautiful》。
【22:21】Wanna One演唱《Burn It Up》,全場尖叫。
【22:18】TWICE奪最佳女團,佢哋喺台上話:「真心感謝大家,多謝咁多位粉絲,之後都會努力創作更多好歌。」
【22:14】JJ跟金鐘國合唱,JJ表示:「我希望會有更多人知道及支持華語音樂,多謝大家。」
【22:07】金鐘國現身,用英文表示好榮幸今晚出席呢個活動。
【21:51】輪到GOT7表演,香港成員Jackson唱到除外套騷臂肌。
【21:42】BTS奪得Best Music Video,全場大嗌及跟住音樂唱,BTS:「感謝製作MV嘅導演及工作人員,感謝大家,請大家之後都多多期待。」
【21:25】Roy Kim奪得最佳男歌手,Roy Kim表示:「真心感謝,能夠奪得呢個獎,多得粉絲嘅支持,感謝全世界粉絲嘅支持。」
【21:16】IZ*ONE現身表演《Colors》,台下粉絲不停尖叫,隨後表演《La Vie en Rose》。
【21:11】MOMOLAND奪得Discovery of the Year,MOMOLAND成員分別用韓文、英文及普通話致辭,最後用普通話講:「這是我們第一次來香港參加《MAMA》,希望大家多多關注我們,我愛你。」
【21:07】BTS奪得Best Asian Style,佢哋喺台上:「真係好感謝,感謝大家嘅喜愛。」
【20:59】女歌手宣美表演《Addict》及《Siren》。
【20:46】Janet Jackson出場,由宋仲基身上獲得「Inspiration Award」獎項,現場歌手都企晒起身,Janet Jackson話好開心、榮幸拎到呢個獎,自己好鍾意「靈感」呢個單詞,續指:「我愛我嘅家人、朋友、粉絲,我也愛你。今晚喺度我諗到三個詞語。第一個係挑戰,由父母訂下嘅挑戰、嚟自兄弟姊妹嘅挑戰。第二個詞係熱誠。」Janet Jackson表示第三個詞語係夢想,除咗指夢想成為音樂人外,佢亦有另一個夢想,就係夢想女性不再被控制、利用及侵犯,夢想世界不再有界限,大家攜手共創和平,夢想將憎恨變成了解及和平,佢最後又表示:「感謝主。」
【20:45】BTS、Wanna One及GOT7輪住介紹Janet Jackson出場。
【20:41】宋仲基再次登場,問大家享唔享受個騷,又指《MAMA》每年都有好多好勁嘅合作演出及表演嘉賓。
【20:30】Zico奪得最佳HipHop&Urban音樂,拍片話好榮幸能跟IU合作出歌。
【20:18】男團Seventeen表演《Oh My!》及《Flower》,之後再勁歌熱舞《Bring It》炒熱氣氛。
【20:14】男團GOT7奪得Most Popular Artist,香港成員Jackson用廣東話打招呼:「香港!」又問粉絲:「食咗飯未?小心身體。」承諾之後會以更多好作品見大家。
【20:11】TWICE奪得最佳舞蹈表演女團,TWICE台灣成員周子瑜用國語表示:「首先感謝大家喜歡我們的舞蹈,感謝公司及粉絲,讓我們有機會在舞台上表演。」
【20:07】Rapper Mommy Son表演《Mommy Jump》。
【20:02】女團MOMOLAND演唱《Baam》及《BBoom BBoom》。
【19:59】BTS奪得MWAVE Global Choice,BTS得獎時發言:「奪得呢個獎,要特別感謝粉絲,一直都愛粉絲你哋。」之後又用韓文、英文、日文及普通話講「多謝」。
【19:54】IZ*ONE奪得New Asian Artist,IZ*ONE成員晒腿登場,表示可以喺韓國、日本、香港嘅大型舞台上登場,好感謝大家。
【19:47】男歌手Roy Kim演唱《Only Then》。
【19:45】Seventeen奪得Best OST。
【19:42】女歌手Heize奪Best Vocal Performance Solo。Heize得獎後感言:「今次係第二次嚟《MAMA》,好榮幸可以奪獎,好感謝工作人員及粉絲。」
【19:32】宇宙少女演唱《Save Me, Save You》。Oh My Girl以全紅造型接住唱《Remember Me》。
【19:30】最佳小分隊由Wanna One嘅Triple Position奪得。
【19:23】主持宋仲基登場,先以普通話打招呼:「大家好,好久不見,我係宋仲基。」之後再以韓文打招呼:「大家過得好嗎?全世界嘅粉絲一齊參與頒獎禮,我真係覺得好榮幸可以喺度。」
【19:15】Rapper Tiger JK先登場。之後由尹未來現身孖老公Tiger JK表演《Mantra》。
【19:12】BTS隊長RM現身揭起頒獎禮序幕,全場大嗌。
精選韓流,喺晒《娛果》
http://fb.com/appledailyen
女歌手Heize奪Best Vocal Performance Solo(電視截圖)
Seventeen奪得Best OST(電視截圖)
IZ*ONE奪得New Asian Artist(電視截圖)
BTS奪得MWAVE Global Choice(電視截圖)
GOT7奪得Most Popular Artist(電視截圖)
Zico奪得最佳HipHop&Urban音樂(電視截圖)
宋仲基親自頒獎給Janet Jackson(電視截圖)
Janet Jackson於Ig上載與BTS嘅合照
BTS奪得Best Asian Style(電視截圖)
MOMOLAND奪得Discovery of the Year(電視截圖)
GOT7嘅香港成員Jackson唱到除外套騷臂肌(電視截圖)
金鐘國現身,用英文表示好榮幸今晚出席呢個活動(電視截圖)
Wanna One表演《Beautiful》(電視截圖)
Seventeen奪得最佳舞蹈表演男團(電視截圖)
BTS以全白西裝look表演《Airplane pt.2》(電視截圖)
TWICE憑《What Is Love?》奪年度歌曲(電視截圖)