【忙到冇時間見面】吳浩康稱女友崔碧珈有工作寄託 情緒穩定冇抑鬱
蘋果日報 2019/09/22 14:06
吳浩康崔碧珈
吳浩康和李靖筠今日在大埔林村許願廣場出席新城活動，之前吳浩康有到這地方許願，他表示應該靈驗，因祈求身體健康也實現了。近日他開始玩山地單車，但因自己也是剛入門學習，山路崎嶇，怕不能照顧女友崔碧珈，所以沒一起踩過：「怕自己保護唔到佢，擔心佢安全，我都唔係太照顧到自己，自己仲係低B班，怕入山危機。」
本身崔碧珈也多運動，他表示二人也是運動好拍檔，大家夾到時間會一起行山，幸好自己體能底子好：「佢唔會亂嗌辛苦，好怕啲人話攰。」
之前女友崔碧珈因情緒不好，疑抑鬱症復發，在社交平台表現不滿狂數，吳浩康透露情況甚好，有工作寄託：「好番好多，人有工作寄託好重要，喺工作上可發洩。」二人各有忙碌已兩、三個星期冇見面，之前見面也只是數小時：「講好會支持大家嘅工作，大過對方，係我哋協議。」而他希望多做新歌，之後計劃再開音樂會。
採訪：王連連
攝影：林賓尼
攝影：林賓尼
吳浩康和李靖筠今日在大埔林村許願廣場出席新城活動。
吳浩康有到這地方許願，他表示應該靈驗。
吳浩康透露女友崔碧珈情況甚好，有工作寄託。
二人各有忙碌已兩、三個星期冇見面，之前見面也只是數小時。