何雁詩今日到商台宣傳新歌《太想討好你》，首歌講述太鍾意男友以至分手後抽唔到身，之後自己好似困喺禁室透唔到氣，幻想對方仍然為自己做每件事，佢承認呢個係自己真人真事，佢話：「入行後發生，係第一次咁鍾意一個人，拍咗兩年拖，分開咗3年後先真正開心番。」佢又透露期間做咗好多傻事，體重跌到落七十幾磅。

何雁詩指現時專心工作，唔敢再拍拖住，問到如果再拍拖會否唔敢太投入去愛？佢話：「希望有個人令我咁投入。」現時身邊都有追求者，但要俾時間去睇下。對於有傳唱片公司加簽吳若希三年，再力捧菊梓喬，佢表示有留意新聞，佢話：「我唔相信懷才不遇，只要有技巧，遇到機會就可以做到。」佢坦言並冇眼紅菊梓喬機會多，至於許廷鏗是否約滿離巢，佢話：「唔知呢，問番佢。」